混箱攻略!幫你諗好點配搭,更平更方便!

買酒,成箱咁買當然最方便,免費送貨之餘,價錢仲更抵。不過,同一款酒買6支又好像有少少太「寡口」,但混款6支又心大心細唔知點揀好?我地Msquare Wine團隊設身處地,細想你既需要同口味,精心設計唔同既混箱套裝,無論係飲酒初哥想試多d唔同風格、已經好清楚自己鍾意既d咩想搵返類似酒款、想送禮俾人要搵d大方得體人人愛既酒… 各種場合、各種需要,我地幫你諗掂佢!

香檳、香檳、香檳,唔同品牌、唔同款式,逐個逐個飲勻佢!

香檳真係人人都鍾意飲!咁多品牌、咁多款式,梗係想飲多幾款。我地推出幾個包括多個品牌既香檳混箱套裝,唔單止咩都有,價錢仲平過單買好多!由我地皇牌香檳品牌Perrier-Jouet巴黎之花、慶祝飲勝必備既Mumm、人人鍾意既Moet & Chandon、好易認既Veuve Clicquot “VCP” Yellow Label、影星最愛既Piper Heidsieck… 各種配搭,總有你心水。

鍾情同一個品牌?我地亦有品牌混款套裝,可以Brut + Rose 兩個style一次買齊,又可以Brut + Demi-Sec 半甜同唔甜齊齊買。其中Perrier-Jouet更有包埋白中白既Brut + Rose + Blanc de Blancs 既Garden套裝,岩哂想試哂咁多個款式既朋友。

探索同一產地不同風格

酒既風格千變萬化,讀萬卷書不如行萬里路,飲得多識得更多!我地特別設計左幾款「Wine Tour」葡萄酒之旅同Tasting Pack,帶大家足不出戶、飲住酒感受不同酒區既魅力,輕輕鬆鬆探索美酒世界 😜

BURGUNDY 勃艮地

Burgundy既葡萄品種非常單一,紅酒絕大多數係100% Pinot Noir,白酒就絕大多數為100% Chardonnay,紅白酒以外,亦有出產氣泡酒。想一次過試齊Burgundy既紅酒+白酒+氣泡酒,可以選擇Burgundy Tour with Aegerter套裝,包括一支氣泡酒、兩支白酒、三支紅酒,全部產自當地知名酒商Aegerter,由入門級到超級名村,飲齊不同wine style。

勃艮地既酒以產區風土行先,但係咁多區咁多村 (仲未同你計咁多田),冇人guide住要飲起黎都唔易入手😖。要試出風土既不同,最好係飲同一個酒莊唔同appellation既酒。我地一眾wine advisor特地設計呢套Burgundy Tour with Clavelier套裝,以當地精品酒莊Clavelier出品,先飲勃艮地Hautes Cotes de Nuits上夜丘大區白酒同紅酒各一支,感受勃艮地基本酒風,再飲夜丘同伯恩丘多個著名村莊既紅酒,由北到南包括:夜丘Gevrey Chambertin、Morey Saint Denis、Nuits Saint Georges、伯恩丘 Aloxe Corton,輕鬆享受不同風格。

Rhone Valley 隆河河谷

法國隆河區一直係香港人非常喜愛的產區之一,紅酒帶獨特辛香料氣息,果味濃厚有力,而且產區 (特別係隆河南部) 種植既提子品種眾多,可以混釀出更豐富、平衡既靚酒,區入面又多老藤,老藤酒更濃郁複雜,價錢仲俾炒到貴一貴既波爾多酒相宜,未飲過既酒友絕對要試下發掘一下呢個區!

要試隆河美酒,一定唔可以錯過位於隆河南部Châteauneuf-du-Pape教皇新堡,產酒歷史可以追溯至1321年教宗係該區開始種提子釀酒,亦係著名酒評家Robert Parker最愛既產區。佢既紅酒濃郁飽滿,以香料味道見稱,而且酒區法定葡萄品種多達13種,非常有特色。而要試教皇新堡靚酒,就一定要試該區最出名既酒莊Beaucastel。Beaucastel早於1950年開始有機耕種,1974年開始使用生物動力自然農法Biodynamics,質素一向穩定,旗艦紅酒酒款Beaucastel Chateauneuf du Pape Rouge,巧妙結合13款提子既不同特質去混釀,所有提子品種都係個別採收同以不同方式發酵成酒,然後先由釀酒師去混釀,再去入桶熟成,多次獲RP95以上既高分🏆。

呢個Beaucastel Tasting Pack,包括一支較早既2007,同兩支新年份2018及2019,等大家可以品嚐到age左既酒同新酒既分別,仲送你一支「Baby Beaucastel」Coudoulet de Beaucastel 2018,同時感受隆河大區級AOC既魅力。

想試教皇新堡精品小酒莊既酒友,可以考慮Rhone Exploration 套裝,精選獲得酒評家高分好評的小酒莊Domaine de Pignan三款好酒,由隆河大區AOC、教皇新堡AOC、再飲到酒莊最好既老藤靚酒,充分體驗隆河同教皇新堡紅酒既魅力所在。

BORDEAUX 波爾多

波爾多向來係超級紅酒搖籃,著名酒莊多到數唔哂。想大概了解波爾多唔同產區既風格,不妨入手下面呢個由波爾多酒商Dourthe旗下多個酒莊既tasting pack,包括位於Saint Estèphe既Château Le Boscq、位於 Pessac Léognan 既Château La Garde、以及位於Saint Emilion既Château Grand Barrail Lamarzelle Figeac,三款酒都拿到JS90分以上,岩哂想一次試唔同波爾多地區靚酒既你!

    開party、送禮、同人夾份share? 我地都有岩你既套裝

    想搵d人人岩飲、口味大眾化既酒款,方便一大班人share飲?以下幾個套裝就top fit喇!Happy Hour Pack有齊紅酒、白酒同氣泡酒,3款酒都係平靚正,輕鬆應付各種需要。Dear Dad 套裝精選3款非常適合男士們口味既紅酒,同樣係人人讚好。特別鍾意飲白酒既,我地仲有包羅各地經典白酒款式既Iconic White Mixed Pack,亦係同人分享、送禮自用佳品。

    我地仲有好多唔同既混箱套裝,篇幅所限未能一一盡錄,大家可以去網站click「混箱套裝」,了解我地更多美酒配搭!

    即睇更多混箱套裝選擇