由細聽到大「馬爹利干邑」但咁多款你又識唔識

Martell 馬爹利,真係冇人未聽過佢既大名。聽就聽得多,但你又係咪真係知佢究竟係咩黎?

馬爹利其實係干邑白蘭地既其中一個大品牌,亦係係烈酒既經典,歷史悠久,以法國干邑鎮六大產區生產既葡萄釀製,將白葡萄酒經過雙重蒸餾後得出「生命之水」(eaux-de-vie),放入橡木桶中陳年最少兩年,再調和不同的生命之水釀造而成。

至於VS、VSOP、XO等等既稱呼,其實係干邑既不同等級,根據法規,VS (Very Special) 需最少陳釀2年、VSOP(Very Superior Old Pale) 最少4年、XO (Extra Old) 最少10年、XXO(Extra Extra Old) 最少14年。

馬爹利 VSOP

馬爹利非常重視品質,一系列干邑既實際陳釀年份都比上面既法規所定年期長,好似馬爹利VSOP,足足陳釀4年以上,甘美細膩的果香和微妙的木香更優雅平衡,係非常優秀既入門級干邑。

馬爹利名仕 Noblige

VSOP以外想更有質素,但又唔想貴一貴買XO,馬爹利推出另一款「Noblige」名仕干邑,味道更成熟優雅,餘韻更長更好飲。 價錢唔太貴既VSOP同Noblige,淨飲加冰飲以外,用黎整cocktail都非常好,更有唔少星級大廚會用佢地整忌廉汁煮意粉煮龍蝦、爆炒牛肉等等。

馬爹利藍帶 Cordon Bleu

藍帶馬爹利Cordon Bleu,係Martell獨有既一個系列,更係馬爹利既傳奇系列,其實佢都係XO等級,而佢同馬爹利XO最大既分別係用既提子產區,藍帶係用馬爹利最招牌既邊緣區(Borderies)提子,而馬爹利XO係用大香檳區(Grande Champagne)同小香檳區(Petite Champagne)既提子。邊緣區提子釀出黎既藍帶,有非常獨特既芳香,焦糖風味更出眾,秀麗既蘋果、紫羅蘭香氣,入口更甜美順滑,蜂蜜甜味中帶朱古力咖啡、薑餅等味道,好飲程度爆燈。

藍帶咁好飲又咁受歡迎,馬爹利精益求精,帶黎「藍帶極致」Cordon Bleu Extra,更豐富醇厚,香氣有如蘋果批般甜美細膩,入口更圓潤優雅,一試難忘。

官方仲教大家如似下面張圖咁,倒酒過一過冰入杯先飲,口感更佳!

馬爹利 XO

馬爹利XO,採用大香檳區(Grande Champagne)既提子,強勁馥郁,同時亦混合一部分馬爹利最招牌、風格較優雅既邊緣區(Borderies)提子,令成支XO更平衡吸引,強勁和細緻並重,餘韻持久、唇齒留香。而馬爹利XO獨特既拱橋型酒樽,設計大膽當代,長擺係屋企做裝飾,品味盡現。

馬爹利 Chanteloup XXO

至於更高級既Chanteloup XXO,唔單只陳年年份更長,仲選用左來自干邑四大產區450種陳年生命之水,更複雜、和諧、細膩,果香濃烈,豐盈平衡,強勁而優雅,餘韻悠長,純飲慢慢嘆,愈飲愈好飲!