如何快速雪凍支酒

弊,唔記得左雪定支酒,點算好 😖 ?

臨尾先醒起唔記得雪定支酒,相信唔少朋友都試過!一場請到人黎,冇理由要朋友上到黎咩都冇得飲架!?

唔駛驚,教你個小方法,15分鐘就可以chill到支白酒/香檳到適飲溫度🍾☃️!

學識呢一招,以後想隨興開香檳,話都冇咁易啦~

方法其實好鬼易☃️:

冰桶拿出黎,放大概4成滿咁多既冰,加水到8分滿,然後加好多好多既鹽,攪一攪勻佢,再放支酒入去,話咁快就可以chill好支酒❄️,俾冇加鹽快足足一倍!快過放入雪櫃架。