Cloudy Bay Pelorus Brut

【紐西蘭氣泡酒「元祖級」代表｜Cloudy Bay Pelorus】

⭐香檳同款釀法，但價錢親民好多，性價比高
⭐紐西蘭氣泡酒「元祖級」代表，自 1987 年一路係 benchmark

Pelorus 係 Cloudy Bay 招牌氣泡酒，同香檳一樣用傳統瓶中二次發酵法（Méthode Traditionnelle），酒名來自Marlborough海峽有名嘅海豚 Pelorus Jack，係酒庄專門用來慶祝、開場嘅起泡酒，好多人飲開Cloudy Bay都會漏咗呢支寶。

葡萄取自酒莊附近暖身礫石園，人手採收、整串輕壓。基酒發酵後做蘋果酸乳酸發酵，入樽之後帶酒腳陳最少 24 個月先除渣，風格乾口優雅，唔係甜泡泡。

呢支酒氣泡幼細綿密，先出青蘋果、檸檬、白油桃呢類清新果味，跟住滲出酵母帶出嘅新鮮麵包、焗餅乾香，底層有輕微烤杏仁同淡淡鹹礦感，香氣好乾淨唔雜。口感來講，酸度生動支撐住成支酒，質感 creamy 圓潤，唔薄。主調係蘋果同柑橘，尾韻帶海水般嘅鹹香，乾口，平衡感好好，果味同酵母陳年香夾得好舒服。