Bruno Clavelier Vosne-Romanee Aux Brulees 1er Cru Vieilles Vignes 2016

【 Burgundy 星級老藤靚酒 ⚜️Bruno Clavelier 】

飲開酒既朋友們都知道老藤酒得來不易 － 幾十年甚至過百年間，葡萄藤既札根既深又廣，汲取到更多土壤層既養分，提子味道更豐富複雜，不過代價係老藤會隨年齡增長而減少產量，所以老藤酒特別矜貴 🍇

法國由於係19世紀中至末期經歷過根瘤蚜大災，大部分老藤都係根瘤蚜災害後再種植，而Bruno Clavelier既老藤就係1930-40年呢個時期種下，至今藤齡有八十幾歲，加上酒莊係80年代開始已經棄用化學品，改為有機種植，所以呢堆老藤提子更為濃郁健康，酸度亦更為優秀，釀出黎既酒充分展現Burgundy酒為人稱頌既優雅風格。

Bruno Clavelier 既酒都係以生物有機自然法釀造，佢地無微不至咁照顧酒莊既老藤，以人手小心翼翼咁修剪枝葉，確保每棵葡萄藤都吸收到充足既陽光；收割提子亦係用人手，方便挑選最靚既提子，同時防止珍貴既老藤受到傷害。

有咁好既提子，釀酒工序亦用足心機，針對每一個單一葡萄園逐個逐個調整最適合既釀造方法，又嚴密監控釀酒溫度同密度，再將d酒入桶等佢地自然地、慢慢咁進行乳酸發酵，成為好飲靚酒。

由祖父輩開始已經係Vosne-Romanee種提子既Bruno Clavelier，當然有好幾款Vosne-Romanee老藤靚酒。Aux Brulees 1er Cru 係一級園中比較含蓄細緻既酒款，平均藤齡超過65年，玫瑰及牡丹花香氣細膩誘人，又有秀麗既礦物味。