你意想不到嘅葡萄酒產地

講生產葡萄酒最出名嘅地方，都係離不開歐洲(德法意)，美國，澳洲哩幾個國家。但其實世界咁大，仲有好多地方嘅氣候環境都種到提子釀到酒，今日就搵幾個地方同大家介紹下啦。

 

－ 新疆

新疆除咗草原，估唔到仲有種提子造酒？

係新疆有葡萄園－ 蒲昌 嘅經緯度同波爾多嘅經緯度差不多，而且新疆日夜溫差夠大，所以提供到個好嘅氣候畀提子健康生長，釀酒完全無問題。

提子品種:  Pinot Noir, Cabernet Sauvignon, Saperavi, Muscat

 

－ 黎巴嫩

前排都出post講過，係哩個充滿戰火嘅地方都有一班熱愛葡萄酒嘅人堅持住不斷釀酒，仲出產好多令人印象深刻嘅佳釀。而當中嘅代表油莊就係Chateau Musar。1999年嘅Musar紅酒更被選為1001 Wines you must taste before you die!

提子品種: Cabernet Sauvignon, Cinsault, Carignon

 

－中國寧夏

中國地大人多，而寧夏就係其中一個適合釀酒嘅地方。位於西夏王陵風景區入面嘅留世葡萄酒莊就係其中嘅代表。哩個區內都係日夜溫差大，冬季凍，秋季乾爽所以氣候啱哂種提子黎釀酒。而留世嘅傳奇限量珍藏紅葡萄酒更係Decanter世界葡萄酒大賽攤銀獎，質素被受肯定。

提子品種: Cabernet Sauvignon, Merlot