【Msquare 調酒篇?】Chivas Mizunara

今日換一換話題,同大家分享下一杯特色調酒?。

用芝華士特別版 Chivas Mizunara 日本水猶木桶熟成威士忌做主角。材料簡單唔難準備,但係味道多元化有驚喜。Twist一下平時大家好熟悉嘅Whisky Sour,再加入多d日本同西方風味。

希望幫到大家減吓壓?

材料 (1杯份量)

45ml Chivas Mizunara ?

15ml 日本梅酒 ??

15ml Earl Grey 糖漿 ☕️ (1:1 伯爵紅茶:砂糖)

15ml 新鮮檸檬汁 ?

方法:將4樣材料加入Shaker杯,加冰塊搖勻大概10-15秒,直至冰涼

Serving:可以按個人口味 Straight Up / On The Rocks,或者另外加蘇打水成為一杯更Refreshing嘅Long Drink都得㗎!最緊要自己鍾意?

備註:Earl Grey Syrup 可以先沖茶,茶包可以用2-3個茶包對1杯滾水嘅Ratio,之後再加入相同份量砂糖攪勻、攤凍就得。

芝華士喺2017下半年推出左呢款平民版水猶木桶威士忌。日本水楢木桶一向以珍貴著稱,有用到水楢木桶嘅威士忌售價亦特別高???。水楢原木重而結實,唔易爆裂,更會為酒帶黎檀香,泥土,香草同椰子等嘅味道。日本更嚴格限制唔可以砍伐80樹齡以下的水楢,令佢尤其珍貴,而且製造木桶嘅成本就大增。但有用到哩款桶嘅威士忌都會變得有日本風格(味道柔和啲同埋帶甜)。

平時除左直接enjoy你最鍾意嘅烈酒,我地都好推介可以試試用吓另類嘅方法去飲呢d酒。就好似Wine & Food Pairing咁,將烈酒同其他合適嘅味道配搭埋一齊,可能會有1 + 1 = 3嘅效果?。