fbpx

中秋佳節:月餅與酒滋味搭配

中秋節當然唔少得月餅,月餅以外,各類美酒亦都係中秋送禮首選。月餅同酒既pairing係呢幾年非常熱門既新潮配搭,相比傳統既月餅配茶,味覺上有更多驚喜,帶來更多樂趣。時下月餅口味五花百門,點樣配酒先唔會「撞出禍」?

月餅美酒pairing其實原理同其他食物美酒配對一樣,都係考慮食物既主要味道同口感,再去搵有近似味道特徵既酒。好多人揀甜酒或者烈酒配月餅,就係考慮到月餅大部分係甜既,同埋高酒精有助減低月餅既油膩感。我地Msquare Wine團隊就住大路既月餅口味,分享一系列pairing ideas:

 

純正蓮蓉月餅

冇蛋黃既白蓮蓉月餅甜度較高,甜味中帶清幽花香,而餅皮帶少少果仁味道,配有花香同時酒體較厚既甜白酒,如Muscat麝香葡萄甜白酒、Sauternes貴腐葡萄甜白酒等溫潤甜美既酒,最適合不過!甜型既Riesling亦都係配白蓮蓉既好選擇。

蛋黃蓮蓉月餅

蛋黃蓮蓉月餅既有蓮蓉既甜、又有蛋黃既鹹香,飽膩感比白蓮蓉更高,配酒時可以考慮更高酒精既烈酒幫助消化。味道上,落過sherry oak帶更多甜香料味既雪莉桶威士忌、果香馥郁既干邑白蘭地既可配合蓮蓉甜味,兩者亦有少少礦物味襯托返蛋黃鹹香,係配雙黃蓮蓉月餅既上佳選擇。

奶黃月餅

近幾年最熱門既奶黃月餅,甜度相比傳統雙黃蓮蓉月餅低,多左奶香,但同樣有鹹蛋黃鹹香,選酒時可以考慮甜度稍低而有礦物味既off-dry酒。

Kirsten Riesling Gutswein Feinherb 2016 介乎不甜到微甜之間,襯托奶黃甜香之餘,有充足酸度減低奶黃月餅酒膩感,而且呢款酒既提子係產自平均年齡40年嘅藤,有更多礦物感去配搭奶黃月餅既微微鹹香。

冰皮月餅

好多人鍾意既冰皮月餅,甜度低又冰冰涼涼,配一樣冰涼既demi-sec氣泡酒同香檳,酸酸甜甜非常chill!而且氣泡酒同香檳味道夠百搭,配口味百變既冰皮都唔怕唔夾。

五仁月餅

五仁月餅最突出既當然係果仁同金腿鹹香,配同樣滿載果仁、香料同礦物鹹香既茶色波特酒係絕配,而且波特酒屬加烈酒,酒精度稍高,可以幫助減去月餅油膩感。

呢支十年茶色波特酒,產自葡萄牙 Douro Valley 著名葡萄酒莊 Quinta Do Portal,內涵非常出色,誘人既提子乾味無花果乾味、果仁味、焦糖拖肥味、香料味,應有盡有,活力充足,既可帶出五仁月餅既特別鹹香,佢既甜度同酸度亦可以減去呢個重磅月餅既酒膩感。同酒莊出既40年老茶色波特味道更沉穩,有更多香料同煙燻味,一樣咁夾!

潮式芋蓉蛋黃月餅

潮式月餅酥香十足,芋蓉甜度唔太高,中間有個鹹蛋黃,配buttery又有mineral味既Chardonnay感覺有驚喜,好夾芋蓉既creamy口感,同時佢既酸度可以減去酥皮既酒膩,令月餅食落更清爽。

呢款Petit Marand Chardonnay Cuvee eXtra Ordinaire 2016 香氣濃郁奔放,帶蜂蠟、白花、礦物、甘草、夏威夷果仁及成熟啤梨味道,酸度柔和,成熟感高而不失優雅,盲目時風格有如Burgundy Meursault 1er Cru,奶油香同礦物香都好夾潮式芋蓉月餅!

棗泥月餅 / 豆沙月餅

棗泥同豆沙餡都有返咁上下甜度同甜香料味道,配返支一樣有咁上下甜度同甜香料味既濃郁老波特,比年份輕、果味同酸度比較多既10年波特酒更有質感。Quinta Do Portal 呢支40年茶色老波特酒,果味係時間既歷鍊下變得沉穩優雅,雲尼拿、果仁、朱古力、煙草等木桶味道絲絲入扣,口感圓潤,配棗泥豆沙呢d有甜香料底味既月餅非常好。

蘇式鮮肉月餅

鮮肉月餅材料主要係油酥皮同豬肉,而豬肉餡會用上胡椒等香料調味,所以配返支同樣有胡椒氣息、medium至full body又有單寧既紅酒,例如教皇新堡紅酒又或者syrah base既酒,就very good喇。

咖啡月餅 / 朱古力月餅

朱古力同咖啡餅唔單止有咁上下甜度同甜香料味道,更有少少獨特既苦澀味同煙燻味,配波特酒、落過雪莉桶既威士忌等都好岩key!

介紹左咁多月餅同酒既配搭,唔知各位酒友又有咩心水呢?Pairing變化萬千,中秋同家人朋友一齊食月餅開酒試,都係過時過節一大樂趣!