【不要說「好甜」 試著說「好balance」】【南非國寶、英國國宴用甜酒】

講起甜酒大家都會諗起法國Sauternes區同匈牙利嘅貴腐酒，但其實喺南半球同時都有人都係到默默耕耘，利用葡萄釀造出同樣高水平嘅甜酒，佢就係新世界產區南非。

大家係咪好震驚，點解佢都會生產甜酒？

         唔好睇小南非喺釀酒歷史只係得3-4百年，佢至今仍可以釀出媲美法國Sauternes嘅質素，呢個酒莊叫「Klein Constantia」。酒莊起源於1685年嘅開普敦，由一位南非政府人員Mr. Simon van der開發。土地，天氣及濕度，對生產貴腐酒環境極為有利；不幸嘅係19世紀時發生過一場蟲禍，所以當時政府要做土地研究收番土地。直至1980年，另一家族Doggie Jooste為酒莊重震旗鼓，復刻300年前酒款「Klein Constantia Vin de Constance」。

      酒莊釀酒方法同法國手法有小小出入。採收前，工作人員會剪除部分果實，令到葡萄集中養份，直至水份大大減少而縮皮採收。酒莊會以葡萄既甜度同酸度，兩個不方法進行發酵過程，部分會直接浸皮發酵，另外透過接觸空氣發酵再浸皮。最後入法國橡木桶5年以上再推出市場。

南非酒評家曾經講過：它濃郁、鮮活，富有新鮮蜂蜜同檸檬嘅芬芳；入囗活潑、礦物芬芳，酸度清爽，果香飽滿，口感絲般柔滑。平衡完美，極為純淨、悠長。年輕得令人讚嘆，無疑係一款可以耐存既酒款~

      加上近年2015年成為英國國宴酒，同年都得到Robert Parker’s Wine Advocate及Wine Spectator 評分94 -95，以至身價飛升。