勃艮地既另一款白酒提子Aligoté,既有豐富既檸檬、青蘋果及stone fruit味道,又有白花香、清爽酸度同礦物味,開胃醒神,唔少出名既Burgundy釀酒師都鍾情呢款經常被人遺忘既提子品種,近年愈來愈受年青大眾歡迎。
Domaine Bruno Clavelier 係Burgundy老藤靚酒既星級代表,酒莊係1930-40年代根瘤蚜蟲爆發後重新種植葡萄藤﹐到今日成為八十多年以上既優質老藤,深入泥土既根部可以更好地吸收礦物質及養分,加上以biodynamics生物動力自然農法去展現最美風土,產酒質素極好。
酒莊呢款Aligote Vieilles Vignes 2018,係用85年以上既老藤提子,biodynamics以外亦係有機認證,花香十足、菠蘿杏桃白桃等果味清新豐富,收結礦物味夠哂靚☺️,二百幾蚊一支真係非常值得飲,酸度足夏天飲更爽更正!
Reviews
There are no reviews yet.