極端天氣改變法國葡萄酒???

今個夏天歐洲多個再度遭受熱浪☄來襲，6月尾已經高達攝氏35度以上?，某d地區更去到40度以上…連人類都難以適應，更何況要清涼嘅提子？?

大家都知道氣溫係葡萄?生長過程中重要嘅一環，❄太凍/太熱⚡都有不同影響。早喺十幾年前嘅葡萄酒業已經受到溫室效應加劇令到提子過熟，造出酒精度一年比一年高嘅葡萄酒。?

唔少地區/酒庄對天氣嘅影響一直都有不同嘅應對措施?，例如改變每年葡萄混釀⚖比例以釀造口感平衡嘅酒；紅酒入面加入少量(法規許可下)白葡萄汁等等。最近波爾多打算推動改革法規??‍⚖，希望納入幾種不同提子作為AOC Bordeaux酒嘅葡萄，為極端天氣帶氣候帶來不可逆轉嘅改變而推動可持續發展?。
氣候改變已經無得返轉頭，近年歐洲嘅極端天氣有冰雹霜凍☃，酒農還可以喺庄園入面放營火，保持溫度。但過熱天氣已經成常態，除咗令提子會過熟/提早成熟，需要分階段做採收，酒農成本上漲；仲有機會令提子入面釀成花果香氣嘅物質減少，長久造成「濃爆香」style嘅酒，漸漸失去風土特色同個性。

所以不久嘅將來波爾多葡萄酒嘅口味會同以前唔再一樣，而全球適宜種植釀酒葡萄嘅地方都會愈來愈多，未聽過嘅產區都會更多，造出截然不同嘅酒。