木塞vs膠塞vs旋轉蓋

葡萄酒世界中酒莊主要有三種封瓶方式： 木塞 / 膠塞 / 旋轉蓋。今日就同大家研究下佢地既不同之處啦！

木塞

最傳統的一個封瓶方法：有微細既氣孔令空氣進入令酒體漸漸成熟。但生産過程有機會會産生一種簡稱 TCA的化合物，令木塞受污染，就有機會浪費釀酒師既心血啦。如果紅酒受 TCA污染（即是俗稱: Cork咗枝酒）會有濕紙箱氣味，令人以為是酒質及酒莊既問題，令酒莊嘅名聲受損。

膠塞

有研究指出受木塞污染紅酒機率大概5 %，所以酒莊諗到用膠塞。因膠塞密封性強，但大約兩年時間就會失去彈性，於是酒莊會使用在一些適飲期短同較便宜既款式，所以要陳年既酒款一定吾會見到膠塞出現。

旋轉蓋

一定係最方便！不需要用開酒刀。由澳洲新世界酒莊興起，旋轉蓋特點係從封瓶之後酒就唔會同空氣接觸，都絕對不會有木塞污染煩惱。現在大部份新世界酒莊都會選擇呢種封瓶方式。