特別 Lafite 逐個捉!

波爾多五大一級莊入面大眾普遍認為Mouton Rothschild最具收藏價值,因為酒莊每年都會同一啲知名藝術家,建築師合作設計新酒標。但其實Lafite係某啲特別年份都出過比較低調又設計特殊嘅酒樽,今日就同大家睇下~

1985年 哈雷彗星回歸

哈雷彗星每隔76年就會離地球非常近,令我地肉眼都有機會捕捉到佢閃亮嘅身影~ 而1985年就係對上一次哈雷彗星回歸,為咗記念哩個天文奇觀,Lafite決定係1985年出產嘅酒樽都印上一粒彗星同1985嘅字樣。

1999年 世紀未的日食

99年地球迎來20世紀最後一次日食嘅天文奇觀。對天文現象情有獨中嘅Lafite再次為哩個特殊年份留下紀念。原本係樽上嘅家族Logo – 5枝箭被「1999」同重疊嘅月亮/太陽取代。

2005年 豐收靚年

05係波爾多靚年,陽光雨水都好充足,令葡萄質素好好,Lafite為記念哩個集合哂「天,地,人」嘅年份而印上天秤圖案。

2008年 中國年 發發發

係中國文化入面8字=發,聽落好意頭,而且08年更係北京舉行咗奧運哩個世界盛事,所以酒莊亦決定係樽上刻上一個中國「八」。相信哩個特別版更進一步幫助Lafite扎根中國市場。