fbpx

【姍姍來遲的美好】葡萄晚摘時

成日係酒樽見到「Late Harvest」等字眼,究竟晚摘葡萄有幾把炮,令到售價比其它酒貴上一截?

Late Harvest原理就係你要靜候再靜候,將葡萄留喺藤架上、延遲採集嘅意思,大概會比正常時間遲七日,以至一、兩個月左右先會收成,簡單嚟講就係要等等佢!

晚摘葡萄唔單只熟到透,因為長時間風吹日曬而脫水,葡萄糖分因而濃縮,並帶有特殊香氣。用呢啲葡萄製成的酒,甜分或酒精濃度都比較高~ 當然,由於汁液減少,製酒需要的葡萄會比較多,加上用多咗時間及心力照料,所以晚摘葡萄酒一般都會較貴。

至於晚摘葡萄的來源,據說是在1775年,歷史悠久的Schloss Johannisberg採收日程延誤咗14日咁多,雖然當時藤架上的葡萄已開始乾縮發霉,不過釀酒師及工人無計可施,為有硬著頭皮照舊釀酒,點知出到嚟的效果相當好,於是大家為咗釀造美酒,都開始將錯就錯~

享譽盛名的貴腐甜酒,其實同晚摘葡萄酒嘅原理非常相似,不過就係利用貴腐菌令葡萄脫水,糖分及風味極度濃縮,對環境要求非常嚴苛,失敗機率更大,不過釀出嚟的白酒甜度極高,濃厚甜美,因為限制太多,所以價錢相當昂貴!

以下字眼,都係代表以晚摘葡萄釀成,不妨多加留意~~

Late Harvest
Vendage Tardive (法文)
Spätlese (德文)