酒莊Working Holiday

去外國酒庄摘提子搵錢,好似好爽皮喎〜

 

大家30 歲 前會唔會有衝動帶個背囊,去一個全新嘅地方體驗一年當地生活呢?但呢一年既行程,旅費同生活費方面點解決呢?外國地大物搏,農作物豐富,好多人會選擇去農場working holiday。咁如果係對紅酒有興趣嘅都有人會選擇去酒莊提子,追求夢寐以求嘅工作機會同體驗。
酒莊會喺採收期前,招請大量臨時工。基本上臨時工由採收、篩選、葡萄酒釀造,到最後嘅陳存部份都有機會參與。最近有個朋友同我分享,最辛苦係要喺凌晨時分,得幾度嘅情況下喺葡萄園入面工作;因為要爭取時間盡快喺出太陽之前採收,確保葡萄唔會過熟,同時仲有其他昆蟲不停騷擾你……一更工作12小時不分早晚,採收工作持續大約3-4個星期。
採收程序完成後,葡萄會送到酒莊進行篩選,部份小酒莊嘅釀酒師會一齊進行篩選確保葡萄嘅質素,確保之後釀酒程序順利進行。開始發酵釀造後會有一連串實驗工作,係平時喺書本上完全唔會到接觸。
雖然人在異地,但工作辛苦嘅背後都有獲益良多嘅一面:親身上陣採收葡萄加上增加對葡萄酒嘅認知,又可以認識到一班來自世界各地嘅酒鬼們。就算之後未必會再見面,大家嘅交流都一定會令你嘅眼光放遠。
如果有機會大家可以趁黎緊年頭飛到新世界產區,體驗一次採收工作。