【飲酒都要講Timing】

大家知唔知道,其實品酒都有分timing? 有幾個因素會影響一枝酒嘅好壞,喺唔啱嘅timing飲就等同白白浪費咗枝酒!

1.) 年份既誤解
有人話紅酒放得愈耐一定愈好,其實只係岩咗一半。舊世界國家,年份有好/弱年之分,所以唔係每年嘅出產都可以耐存。有部分人會嫌棄弱年出品,但佢地適合提早品嚐,部份酒莊仲可以喺嚴峻既環境中造出優質嘅紅酒,呢層就要視乎酒庄嘅質素同釀酒師功力。

2.) 每枝紅酒都需要醒酒嗎?
未必,有幾個因素要考慮:酒嘅出產年份,地區。如果紅酒儲存多年,又係好年份,我認為要倒入醒酒器中,令隱藏多年嘅香氣慢慢釋放,但時間不能過長,畢竟陳年老酒係非常脆弱及氧化速度較快。
但碰上新世界新年份同重單寧,都唔需要考慮,直接倒入醒酒器半小時至一小時,稍微氧化後令到單寧比較柔軟再慢慢品嚐。

每枝紅酒即使係同一年份,同一品牌出品,都會機會有自己生命同不同個性;不同嘅時間品嚐都會有不同感受。所以大部份人每次買紅酒,都會買同款3枝以上,再按不同時間品嚐,研究佢地既變化。