美酒美食【純分享】

辛勞咗一個月，又係時候慰勞自己付出咗嘅努力，食好野飲靚酒。

今次Wine Advisor去咗堅尼地城，搵咗間西餐廳，自己帶酒去食法國菜。

揀咗Leroy Bourgogne Blanc 2015同Palmer 1996。Leroy帶西柚香，入口少少creamy,酸度清新，有礦物口感，隱約有d herbs，硝煙嘅味道。配龍蝦意粉同燒雞。

Palmer 96落咗decanter, ruby色，仍然年輕；雪松木，皮革味，陳皮味，微微紅莓味……，完美融合，層層透出。燒M9和牛排無得輸！

餐廳入面有間好有年代感嘅酒窖，存放唔少靚酒；不過當晚餐廳大部份食客都自備美酒香檳搭配美食，仲見到枝枝都係靚酒！

唔知大家有無袋定幾間坐得舒服，野食又好好食嘅餐廳？不妨喺以下留個comment/pm我地~