fbpx

細數投身葡萄酒行業嘅名人 - 鬼佬篇

國外一樣有唔少鍾意葡萄酒嘅名人,繼續同大家介紹下。

Angelina and Brad Pitt

兩位荷李活巨星於2012年買入一個位於南法嘅Miraval酒莊,產品推出個時仲引黎巨大回響,成為潮流嘅飲品。雖然佢地已離婚,但仍然會共同經營酒莊,繼續生產靚靚既Rose。

 

美國著名導演 Francis Ford Coppola

美國著名導演科波拉除咗拍電影,仲醉心於葡萄酒業之中。拍完《教父》之後就用所得嘅片酬係美國納帕山谷買咗葡萄園Inglenook EstateGustave Niebaum,以建立佢嘅葡萄酒帝國Rubicon Estate。而家佢出產嘅酒仲成為地區代表性酒款之一。

 

美國Rapper Jay-Z

哩位歌手所投資嘅只有一個香檳酒莊Armand de Brignac,只因為當年係MV製作過程對一支香檳Ace de Spade黑桃A 一見鍾情就舉手買下。而香檳以全人手打造,加上閃令令嘅包裝,顯得十分矜貴(仲夠哂土豪)。對於一見鍾情就大手買入,只能講有錢就是任性。

 

葡萄可能被人品嘗、收藏,亦有人單純當佢係一盆生意。但葡萄酒嘅魅力係毋庸置疑,更有待大家慢慢去發堀。