酒後變「關公」?

由細到大，聽D大人講飲酒面紅係好事呀！都市傳說又話面紅，係酒精唔入骨嘅現像。

有人又話飲酒可以練番黎。咁究竟邊樣先係真呀？！最近終於有研究報告啦！

人體酒精分解其實好簡單：
「乙醇脫氫酶」分解酒精乙醇 ，釋放乙醛 ＋ 「乙醛脫氫酶」轉化爲無害乙酸。
如果自己身體有呢個公式你就喺酒仙！

第一類人酒後面紅嘅原因係血管擴張所致，如果用醫學角度去講就喺，身體淨係有「乙醇脫氫酶」而缺少另一物質。體內就會累積「乙醛」，造成面紅情況。醫生我可以食D咩，補充番令到唔面紅呢？呢種物質係天生冇得補充。

第二類人就係「面青青」呢種人其實都幾危險，因一個完全冇徵兆醉咗都冇人知。呢種人身體淨係有「乙醛脫氫酶」。因身體冇「乙醇脫氫酶」，咁就要完全依靠肝臟分解酒精，極傷肝！

大家身體喺邊一類都好，飲酒都係量力而為。