Robert Parker 終畫上句號??

酒友們對Parker一定唔會陌生，但大家早係兩年前有冇聽聞，佢打算退休呢？?

原來係兩年前，佢只係卸任《葡萄酒倡導者☝?》(Wine Advocate)主編一職，仍然保留管理職位，但到咗五月十六日佢就對外發表?，從當日起正式退休。
其實Parker 近年身體開始出現問題，畢竟都68歲啦。當時卸任《葡萄酒倡導者》主編時將工作轉交得力助手Neal Martin?? ，而期酒?鑑賞工作都無再參與。

?退休係好事定壞事呢？大家都知道Robert Parker 成名關鍵就係1982當年並自創100分制度?。但大家有冇發覺近十年嘅紅酒，?酒體有所改變？因為部份酒莊想拎到Parker嘅高分90+以上，佢地釀酒時，會偏向橡木同重果味黎迎合Parker口味，令自己酒莊偏離軌道，因為得到佢高分嘅光環價錢當然更進取啦！?

現今嘅紅酒界我諗好難會有人可以取代Parker 地位，因為大家心中對好同壞嘅酒已經有一個清楚定位?，加上現今科技發達，隨時上網都有詳盡嘅介紹同評價。如果要等到下一位更好嘅酒評家出現，不如相信自己嘅味覺同眼光吧！