fbpx

“…… I am not drinking any f**king merlot.”呢句對白令Merlot喺美國嘅銷量大跌!?

酒除咗係飲品,仲係歷史同文化嘅產物。葡萄酒盛載每個酒庄嘅過去,釀酒師嘅心血同好多人努力嘅成果。

之前睇過同酒有關嘅電影,同大家分享其中兩套:
Sideways (2004),當中嘅一句白仲令當時Merlot喺美國嘅銷量大跌!


套戲一開始係一位中年美國作家離婚,同另一位朋友去加州酒區散心。主角十分喜歡Pinot Noir而討厭Merlot,仲講出呢句:“…… I am not drinking any f**king merlot.”,令美國嘅Merlot銷量急跌,Pinot Noir產量同銷量都急升。


呢套電影雖然改變市場同消費者習慣,同時令更多人開始學習欣賞葡萄酒。

Back to Burgundy:
平時飲酒好少會理枝酒點樣造出黎,釀酒師點樣掙扎求存,點樣應對每日嘅天氣去照料提子;喺法國就算屋企有「父幹」有間酒庄淨低,都唔代表生活從此愉快無憂。


Back to Burgundy (2017)用家族酒庄作為故事嘅主軸,3兄妹雖然繼承咗爸爸嘅酒庄,但交唔起遺產稅,只可以努力撐下去,分工合作,靠自己自細建立對葡萄酒嘅感覺,去做出新一年嘅酒。再加插親情同感情嘅原素,令「釀酒」呢件事除咗純粹化學同科學以外,有更多「愛」同「人」嘅原素。


除此之外,仲有唔少同酒有關嘅電影,大家有無專登去發掘黎睇呢?喺屋企飲住酒咁欣賞就最爽〜