Nov
今日係十一月第三個星期四，呢日有咩咁特別？?有樣野係全球一齊今日先至開賣…
?每年嘅今日(十一月第三個星期四)係全球官方開賣Beaujolais Nouveau嘅大日子！?
?咩係Beaujolais Nouveau?
Beaujolais (AOC）係位於Burgundy南部嘅一個產區，Beaujolais Nouveau 100%由Gamay提子釀製?。提子係當年8-9月採收，只經過短短幾日（法定10日以下）嘅發酵，比一般紅酒更唔耐存放，易氧化，所以要盡快飲，並唔會愈放愈好飲嘅紅酒。
Beaujolais Nouveau的味道?
輕巧清新，紫紅色酒體重紅莓果香味?，仲有少少香蕉?，紅桑莓味，低丹寧紅酒。酒體比一般紅酒薄，飲用溫度都比平常低，❄大概12度，飲用前放雪櫃15-30分鐘。
因為簡單易飲，唔少女士同平時少飲紅酒嘅人士都會覺得比較易接受，容易入口。??
Beaujolais Nouveau的造法?
同平時大家飲開嘅紅酒唔同，為咗盡量保持提子新鮮並保持果香??，Beaujolais Nouveau多數採用二氧化碳浸漬法（carbonic maceration）釀造:裝整串提子放入桶，隔絕氧氣，利用提子嘅重量將提子壓破，?流出提子汁然後進行發酵；部份未破皮嘅提子因為桶內氣溫上升而喺內部進行有限度發酵。提子汁浸皮嘅時間比平其他造酒方式少，酒內所含丹寧更少⬇，造成唔適宜陳年嘅特性。
發酵產生嘅二氧化碳同時隔絕咗氧氣，減少氧化提子汁而縮短可飲用壽命。
Beaujolais除咗釀造新酒，仲有其他有年份(Vintage)嘅紅酒，同樣係用Gamay提子，但造法近似Burgundy Pinot Noir，亦有分唔同級數：Village同Cru. Cru嘅提子唔可以用黎Nouveau，Cru Beaujolais嘅酒體比較厚重，濃郁，丹寧較強，有陳年潛力。
