?Who killed the baby??

平時有無聽酒友講過呢句”Kill the baby”? 偵探mode: 究竟係邊個咁殘忍，殺咗個BB?

市場上有部份酒（大部份係波爾多)係推出發售後需要陳放多幾先「啱飲」嘅，因為某d新酒如波爾多烈級庄會好重丹寧，果味太濃太大隻，入口好鞋唔易做pairing。Burgundy就會太新，香氣好含束，就算breath兩個鐘都唔會達致枝酒嘅最佳狀態。所以太早飲枝酒就會好似扼殺咗枝酒可以喺樽入面發展嘅潛力，如同殺咗個BB, “kill the baby”一樣。

人人都話要將d酒放好多年先飲，究竟又有幾多人真係放幾年先至飲呢？其實唔係所有酒都要陳放三幾年先好飲嘅，市面上大部份都係適宜年輕飲，放太耐反而會跌watt,果味同酸度無晒，到時可能就要拎黎煮野食了!