【品酒詞彙你要識？?】【新手請進?】

品酒有Tasting Note？品酒有咩詞彙一定要識？

唔知有無人同我一樣？初初接觸酒一定係啤酒?，打邊爐一兩杯落下肚，同三五知已飲得暢快；到年紀大啲，清bar飲酒等同家常便飯，唔係飲1664/Hoegaarden/Stella，就係飲Sex on the beach/Long Island /Nothing（?我最愛系Nothing)，甚至系「隨便」，由得個bartarder 溝，隨時有驚喜?；酒吧開party 呢？不外乎玩圍枚/大話骰，最佳良品係Black label 加綠茶，輸咗幾次，飲多幾杯，熏熏欲醉；到誤打誤撞入左紅酒呢一行，先知品酒唔等於飲酒，品酒有Tasting Note？品酒有咩詞彙一定要識？就等我今日介紹一下初哥必懂嘅幾個品酒詞彙，品酒時自己都可以判斷，拋下書包！

品酒有分色、香、味等三方面，今次以最重要嘅「味」(品酒嘅口感)同大家交流下：

甜度?(Sweetness)：指葡萄酒嘅含糖量，可以用乾型(Dry)、半乾型(Medium)、半甜型(Medium)和甜型(Sweet)等四種詞彙形容。甜度嘅敏感區域為舌尖，如果飲落完全感受唔到甜味，初步可以評為乾型 (Dry) ，即係指含糖量少於4️⃣克 。

酸度(Acidity)：指葡萄酒嘅含酸度 ，可以用低酸(Low Acidity)、中酸(Medium Acidity)和高酸(High Acidity)黎表達。酸度嘅敏感區域為舌頭?兩側。

單寧(Tannin)：指葡萄酒係口腔中所感受到嘅苦澀味，可以以弱(Low)、中(Medium)、強(High)去表達 。單寧係葡萄酒中嘅一種酚類化合物 ，來自葡萄皮?、葡萄籽、葡萄梗和萃取橡木桶而來。

酒體(Body)：葡萄酒係舌頭上重量嘅感覺 ，可以以輕盈(Light)、中等(Medium)和飽滿(Full)去表達。一般來說，產於炎熱地區嘅葡萄酒酒體?偏重，而產於寒涼地區嘅葡萄酒酒體偏輕。

味道(Flavour)：指葡萄酒?嘅味道，可以嘗試以果味?(Fruits)、?花味(Flowers)、香料味(Spices)、 ?蔬菜味(Vegetable)、木桶味(Oak Flavours)去形容。個人認為用自己嘅字詞形容其實都無問題。

餘味(Finish)：指葡萄酒嘅香氣?停留在口腔中嘅時間，可以短(Short)、中等(Medium)、長(Long)去表達。

⤴️以上知識對初哥嘅你有無用呢？?