Jul
炎炎夏日，當然少不了上遊艇出海吹吹風，又或者約埋係屋企開大冷氣吹下水。呢個時候，當然要揀返幾款靚酒一齊開心嘆。要做一個成功又體貼既主人家，選酒考慮賓客口味以外，開靚酒party有咩野應該注意既地方？
1）場地配套 － 有冇地方雪住支酒？ 用咩杯、需唔需要有decanter？ 酒刀一把夠唔夠？
戶外戶內其實會好影響品酒體驗，皆因香港既室內室外溫差極大，唔單止會影響賓客既口味，場地環境亦有機會影響支酒既狀態。太陽底下熱辣辣，大家當然想飲清爽d既酒，如果係凍既白酒或者香檳，自然更受歡迎！
但係，室外環境咁熱，究竟你可唔可以chill住支酒一段長時間？有冇雪櫃/酒櫃/冰桶？可以冰住幾多支酒？用冰桶既，冰粒又夠用幾耐？買左支靚酒返黎，如果派對場地有限制令到支酒唔可以用最佳狀態示人，真係有d掃興架！冇得雪住支酒既，就可能要放棄飲香檳，改飲室溫侍酒都可以既酒款喇。
再講落去，其實有咩酒杯、有冇decanter都係一個因素。一個極端但又非常真實既例子：小編試過去一個party，酒本身就唔錯既，但居然係用熱飲紙杯奉客，真係再靚既酒都大大扣分，視覺上味覺上都攪唔掂！又有一次，用既係公司水機用果d三角即棄紙杯，真係… 唔體面lor!
如果真係唔夠杯要用即棄，呢款即棄膠酒杯幫到你，各大超級市場有售，易搵又唔貴。（不過環保d就最好用返破璃杯啦，如果真係人多要非常大數量既杯，唔少catering公司都有提供酒杯出租服務）
A title
Image Box text
又講遠d，如果人多要一個人短時間開好多支酒既，點樣開酒都係一個要考慮既問題。有朋友表示由於人多要既酒量多但又唔想開酒開得辛苦，非常決斷咁選擇全晚飲澳洲同新西蘭酒，皆因全部酒都用screw cap唔用木塞，開酒方便十萬倍。
2）一兩款酒由頭飲到尾好，定買多幾款轉下口味？
視乎場合同派對長短，酒款數量可以好唔同。三五知已圍爐飲，當然買多幾款試多d唔同既酒最開心。如果人數多，又或者大家走動比較多、賓客比較分散，一款香檳又或者一紅一白（亦可以一紅一白一粉紅）由頭帶到尾就容易處理，唔會話飲兩啖就冇哂支酒，添酒時又怕添錯酒，而且我地有重磅優惠，成箱咁買平好多架。
3）送酒小食揀咩好？
呢個真係非常視乎場合、賓客口味同酒款。最百搭既就當然係ham & cheese凍肉芝士拼盤；如果想精緻少少既，買一堆水餅返黎，上面放生牛肉tartare、牛油果蝦、刁草cream cheese三文魚、三文魚子等等，簡簡單單又好食，爐都唔洗開。
4）剩左好多酒，唔知點算？
開派對預多左酒，未開既酒都仲好﹐有時開左又飲唔哂，點算好？用黎煮野食當然係一個好選擇。如果你幾日內又開party，支酒又走左味但又唔係完全唔飲得，可以考慮用剩酒加水果整sangria，保留返少少酒味，溝埋幾款酒用都得。
