德國酒 Deutscher Wein

講起德國酒，你會諗起咩？甜酒？Riesling？

德國比附近幾個歐洲產酒國好似無咁出名，只有幾個產酒區域，一講起德國酒好多人會諗起好貴嘅冰酒。冰酒係德國嘅特產，除咗冰酒，徳國酒(甜/唔甜)漸漸愈黎愈多Fans，除咗酒嘅質素同性價比好穏定，獨特嘅氣候更造就風味別樹一格嘅紅白酒。

環境，天氣

德國酒產區日照時間不足，會導致提子唔夠成熟造酒；為咗增取更多日光，酒庄都會選擇喺河邊設立Vineyard,用河水反射日光，更喺晚上釋放日照時吸收嘅熱能，保持田園溫暖。

過量嘅水份都會產出不良提子，大部份提子園都係喺斜坡上一層一層，方便排走過泥土多水份。

提子品種，口味

Riesling,德國原生白提子，花果香充足，帶檸檬水蜜桃礦物味，可造成甜/唔甜嘅白酒，口感圓潤，中等至高酸度。

主要產區:Rheingau, Mosel

Spätburgunder (Pinot Noir),法國Burgundy原生品種，口感溫和，低酸度並帶有飽滿紅莓果香氣;Cherry, raspberry, cassis等，仲有輕微肉桂氣息。

主要產區:Pfalz, Baden,Rheinhessen

其他常見品種有Müller-Thurgau, Silvaner,Weißer Burgunder, Gewürztraminer

香港嘅德國酒Fans無法國/意大利酒咁多，市面上嘅選擇都唔多，都係某幾個大牌子，局限咗大家嘅選擇。德國嘅酒庄好多都好似Burgundy咁，酒庄有多年造酒歷史，為保持水準只生產小批量，但無幾多人知道佢地嘅存在，要品嚐欣賞佢地嘅機會更少。

呢度有無德國酒Fans？