倒酒只倒三份一

斟葡萄酒要斟到酒杯咩位置先叫「合格」？

美酒當前，想倒大杯啲，飲多兩啖人之常情，或者聚會上招待親朋好友時表現好客，難免會「重手」咗，一下倒咗好大杯出黎。但如果要認真品嚐美酒，就千祈唔可以太貪心，一次斟太多落杯就「浪」唔到酒，葡萄酒難以同空氣接觸，散發香味嘅效果亦會大減。

正確嘅斟酒份量紅酒白酒香檳都唔同，份量大概如下：

• 紅酒入杯為三份一
• 白酒入杯為三份二
• 香檳就應先斟三份一，泡泡輕輕消散後再倒至七分滿

以上嘅份量可以令你有足夠空間浪杯，唔驚倒瀉之餘葡萄酒又可充份抖氣，香味容易散發出黎，咁先可以有最佳享受!