黑心紅酒?!

「黑心食品」就聽得多，你知唔知仲有「黑心紅酒」?

市面上成日都聽到好多假嘅食材，紅酒有假貨都唔係新鮮事。

記得有次返大陸旅行，去個比較遍遠嘅地方，晚上開飯嘅時候飲酒，我覺得自己飲咗杯假酒！

點解我咁肯定，其實當下就係一個好直接嘅感覺。

首先，望落杯酒嘅酒色比較平淡，淺色冇層次，甚至有混濁嘅感覺。第二，酒嘅香味感覺到強烈酒精感，可能會有果糖香精嘅味或者其他人工香料味。

然後再到品酒，如果香氣同酒體唔相一樣：聞到有奶油味但品酒入口嘅時候全冇奶油口感，咁就好大機會添加人工香精！

基本上係香港市場，係99.9%都唔會有假酒嘅出現，因為做出一枝假酒成本隨時比真酒高。

只要搵信譽良好嘅商鋪咁就萬無一失啦！