酒杯點揸先啱？?

早係上月特首去咗法國工幹，仲去埋波爾多見證旅發局同當地就美酒佳餚旅遊推廣簽署備忘錄，但舉杯祝酒嘅時候就見到佢同當地人揸杯手法唔太一樣，咁係點揸先啱啊？

葡萄酒對溫度非常敏感，而不同酒款嘅最佳侍酒溫度都唔同，所以大部份酒杯設計都係高腳的，咁就係可以避免咗我地嘅體溫影響酒嘅溫度而令味道改變。

以專業嘅角度出發，品酒時係應該手握杯腳，而非杯肚。咁樣揸杯一黎唔怕幫酒「加熱」，亦方便時不時「浪」下杯畀酒抖氣，仲唔會摸到成個杯都係指模，睇落乾淨利落啲，又好似Pro啲。

但其實平時飲酒又係咪真係下下都要Robert Parker上身呢？約埋班Friend一齊飲酒happy hour同casual dinner，隻杯要點揸法，隨心啦!