混釀同單一紅酒，邊隻優勝?

大家平時飲酒嘅時候，有無留意飲緊枝酒係混釀定單一提子呢?兩款又有咩唔同？

舊世界國家釀酒通常會種植幾款葡萄，以防某種葡萄喺成長中受到天氣/其他因數影響收成及出產數量。

大家都知道法國波爾多通常以Merlot 同 Cabernet Sauvignon 為主導，呢兩種葡萄成熟時間有差別，而地勢風土需求都唔同，酒庄會裝葡萄園適合嘅泥土種植適合嘅提子。同時，如果波爾多該年天氣寒冷，釀酒師就根據酒庄自己嘅風格，用上Merlot為主要材料。混釀呢個手法，除咗增加酒體同葡萄酒風味外，仲可以幫酒莊減低風險，務求每年都可以穩定地出產優質葡萄酒比大家，同時減少浪費。

單一品種葡萄酒點解會出現？因為當時有人對混釀呢個技術有懷疑，亦都有消費者喜歡新嘗試，所以新世界嘅代表–澳洲，首先推出單一品種款式葡萄酒供應市場。單一品種紅酒，可以俾消費者帶黎穩定口味，反映不同風土嘅提子帶出嘅風格，都可以令消費者更清楚自己喜歡嘅品種。

每個地方嘅種植/採收同釀酒方式都有些微出入，以及有相關法律規管，例如美國部份產區法規訂明單一葡萄係指：該款列明酒標上嘅葡萄不少於整枝酒嘅85%，其餘15%可以係其他品種。

單一品種紅酒係注重葡萄本身演繹，而混釀紅酒就要欣賞同專重釀酒師造酒嘅技術。只要揀啱自己口味，就係好酒。