香檳多糖致肥？

減肥人仕平時食野盡量少油少糖，連夜晚放咗工約人飲野都唔飲啤酒飲香檳，點知原來好多糖?!!

香檳點解會有糖？喺釀造香檳嘅過程入面，提子本身嘅糖份因為2次發酵轉化成酒精，唔係已經無晒糖份咩？

因為經過兩次發酵，樽入面會沉積咗用完嘅酵母，正式推出市場之前會將佢地喺樽入面分離出黎，過程會導致部份酒液(香檳)損失同時最後調整酒嘅口感，所以會填充返酒液入樽。填充嘅酒液係已發酵嘅酒同糖份嘅混合液，例如蔗糖／未經發酵嘅葡萄汁。

其實補充嘅酒液有無需要包含糖份？因為造香檳嘅提子通常都未完全成熟，酸度仲係好高，酒商加入少量糖份有平衡口感嘅作用。

早喺十九世紀香檳十分受皇室貴族歡迎嘅代，當時嘅「重口味」香檳比而家買到嘅甜好幾倍。現代嘅香檳製造商都因為大眾口味而推出少甜，甚至「完全無糖」香檳。

市面發售嘅香檳大部份都有寫明糖度：

Brut Nature/ Zero Dosage = 每公升添加不足3g／完全無加糖，口感完全唔甜

Extra Brut = 每公升添加0-6g糖份，口感同樣完全唔甜

Brut = 每公升添加不足12g糖份，口感幾乎唔甜，市面最常見甜度