【邊隻先係真香檳？】【氣泡酒大不同！】

氣泡酒(Sparkling Wine)有好多種，唔係隻隻都可以叫做「香檳」。

香檳，Prosecco同Cremant同樣係用提子造嘅帶天然氣泡嘅酒，事實上又有咩唔同？

3款都係指定地區出產先會叫呢個名；Champagne係法國香檳區出產，依照嗰區嘅法規製造，主要採用3種提子，由「傳統方法」喺樽入面進行二次發酵發製造，酵母直至完成發酵都會喺樽入面，直至要賣之前先將佢地整走（disgorge)。部份酒莊為咗增加香檳嘅風味，會允許Sur lee (死酵母浸泡）嘅時間廷長，令香檳散發誘人嘅奶油／餅乾味。同葡萄酒一樣，香檳區嘅提子都有分產自唔同等級嘅田，身價都好唔同，產自靚田又靚年嘅隨時係貴到無法想像！

Prosecco係指產自意大利東北部Veneto,主要用Glera提子釀造嘅氣泡酒。造法上最大分別係第二次發酵都係喺不鏽鋼桶入面進行，然後再注入酒樽， 死酵母浸泡嘅時間短，味道偏花果香，青苹果等味道。同樣有根據種植嘅田分級數，價錢平過香檳好多。

Cremant產自法國8個不同酒區，包括Loire Valley, Bordeaux, Burgundy, Alsace, Jura，依照各產區法規生產。各個區都有最適合該區風土嘅提子出產，所造出黎嘅風格同口味都唔同。用香檳做法喺樽入面做二次發酵，時間比香檳短，氣泡都無香檳咁濃密。一般產量唔多，用香檳造法但價錢都無咁令人遙不可及。

“Champagne”, “Prosecco“同”Cremant”都會喺wine label上面出現，下次人地請你飲「香檳」嘅時候睇清楚，唔好見有氣泡就當係”Champagne“啦〜