我地介紹嘅酒成日都提及「神之水滴」，究竟係乜野黎？點解佢有提過嘅酒都會大賣，而且人人都話要買黎試咁權威?

《神之水滴》係一本酒界人仕耳熟能詳嘅日本漫畫，仲係唔少葡萄酒初哥嘅第一本參考書。可能你會問，市面上有咁多本葡萄酒專業參考書，為何遍遍爲選中佢？近年佢又成功令到亞洲紅酒市場年輕化？
《神之水滴》嘅成功，當然要提到日本作者「亞樹直」，佢地係一對愛酒如命嘅姊弟。作者以普通消費者角度，去評價葡萄酒，用上日常而且大眾化嘅字眼去介紹。豐富嘅想像力加上作者又會想像好多意景，令讀者自己有更多想像空間。例如形容葡萄酒嘅香氣同變化嘅字詞，比其他知名品酒師嘅參考書更生動，容易接受同聯想。

其中介紹1999年Henri Jayer Cros Parantoux Premier Cru嘅描述：「這款酒起初是春天的草莓田中背對着我佇立的美麗少女，而當入口的瞬間，印象突然改觀，就好像少女轉過頭來，露出初戀般的甜美微笑，還有像是初吻般害羞的神韻，仿佛這種感覺永不休止。」

本書用日本漫畫方式呈現，佢地誇張直接嘅手法，加上精細嘅晝工，完全突破傳統大量文字嘅紅酒參考書。從2005年春季第一本漫畫推出已風靡全日本，之後翻譯出幾種文字，銷售至全亞洲。身邊唔少人都睇過甚至擁有呢套漫畫，某程度上係葡萄酒嘅啟蒙讀物。

神之水滴介紹過 部份平民價酒款（不同年份）

1 – Chateau Le Puy Emilien

神之水滴嘅最終門徒，漫畫對佢嘅形容如下：「神之水滴..是永恆之物 ，任世事更替亦不會動搖 。 那是無盡的遙遠之門的令一側，使所有使徒跟從 我現在打開了那道門，通向神的道路，跨越了長久的時間，現在只是一直遠遠地延伸到大地的深處，我走在那道路上無法抑制自己興奮的心情，人類和自然在那裡編織著永恆，這支葡萄酒正是神所釀造的酒滴。」

2 – Chateau Nenin

被神之水滴形容有初戀嘅感覺!

3 – Alter Ego de Palmer

神之水滴第二門徒，漫晝以「母親」去形容枝酒，因為佢入口柔滑如絲，好似媽媽對待自己咁溫柔