fbpx

大年初一 新年快樂

送雞迎狗,Msquare Wine仝人祝你新年快樂,新一年身體健康,財運享通,飲多啲靚酒,恭喜恭喜!

作為酒鬼,大年初一同二又點少得美酒相伴?以下我地帶黎幾款同新年菜式好夾嘅酒款,等大家新嘅一年可以飲飽食醉!

年糕/椰汁糕+ Sauternes / Dessert Wine

甜糕甜味簡單,同甜而不膩嘅Sauternes/ Dessert Wine 襯埋就相輔相成,新年甜甜蜜蜜。

 

花膠鮑魚掌翼/發財好事+Pinot Noir

唔好以為紅酒襯海產類就一定好腥! 因為中國年菜多數都有濃味嘅汁或油,襯白酒反而會令白酒變得淡而無味。反而優雅嘅Pinot Noir同扣鮑魚同扣花膠類菜式係超出你預期地夾,更能突顯材料嘅鮮味!

 

脆皮炸子雞 燒鵝 +波爾多紅 / 隆河區紅

以上亦係濃味菜式,適合同返full body少少嘅紅酒配襯。波爾多紅就就係一個好選擇。如果鍾意加埋少少香料嘅刺激,隆河區都好啱襯。

 

角仔  芋蝦+香檳/Prosecco/Moscato

有氣嘅酒類可以中和煎炸食物嘅油膩感,所以香檳,Prosecco或Moscato都可以作為配搭酒款。特別係Moscato,低酒精度加上香甜果味,肯定一家大細都鍾意!

 

哩兩日食過咩好東西,飲過咩靚酒,不妨同我地分享下。