fbpx

?品酒101 – 如何練成警犬鼻 ??

睇酒評家嘅Tasting Notes, 佢地總係能夠將枝酒形容到有十幾廿種味道,但到自己有機會品嚐嘅時候,可能都淨係講得出「好香」或者「啲味怪怪地」….? 咁酒評家係咪真係天生對香氣特別敏感?定警犬鼻係可以後天練出黎??

香氣? 其實同我地嘅記憶有好密切嘅關係,每當你聞到一種氣味其實大腦都會將佢relate返落你以前聞過嘅野到。而當你聞完都唔知係咩味黎,好有機會你對個味道無認知,或者你聞過但忘記咗。?

所以話 Practice makes Perfect,想要有警犬鼻就需要不斷練習,去聞清楚味道,然後記憶,再重複,從而慢慢練到對味道非常敏感。

如果你有足夠資金,就可以考慮下買「酒鼻子」,佢係一套由精油調製而成嘅工具,可幫助訓練嗅覺。哩Set野入面包括紅白葡萄酒經常出現嘅味道,有各種果香,香料,連陳年後會出現嘅Tertiary notes都有。雖然味道未必最貼近真實個味,但起碼畀到大家一個基本概念。

唔買「酒鼻子」係咪就無辦法練習呢?唔係! 只要大家多加留意,我地日常生活環境都會搵到好多葡萄酒散發嘅氣味~ ? 例如公園入面植物嘅香氣,花香?、樹木?、泥土等等。去街市/超市又可以聞到各種水果味???,去Cafe食下午茶都可以聞到咖啡☕️、芝士、焦糖、蜜糖等等香氣,全部都有機會係葡萄酒出現架~

只要留心同埋認真記住氣味,你我都可以擁有出色嘅品酒鼻~