Maison Clavelier Ladoix 1er Cru Clou d’Orge Blanc 2018

位於勃艮地既Maison Clavelier 走既係大眾化路線﹐實實際際咁話俾大家知好酒唔一定要天價，預算有限都可以品嘗列有質素既酒。酒莊所有酒款，由上夜丘大區基本款到Grand cru特級田靚酒，價錢全部非常親民，但酒莊完全冇將貨就價，釀酒過程絕不馬虎，人手採摘提子，專注傳統同風土既表現，絕對唔係平野冇好野。

伯恩丘Ladoix “Le Clou d’Orge ” 一級田既白酒，曾獲酒評家大讚。 Maison Clavelier 呢支白酒充份表現Ladoix既魅力，豐滿既酒體、白花香再加D牛油味，伴隨熟蘋果、無花果同香料啤梨既果味，同時保持清新活力。