細長香檳杯? Outdated~

大家心目中嘅香檳杯係咩型狀呢?如果仲覺得應該係細長型,就要改下呢個觀念啦!?

近年各大香檳廠同品酒人士都覺得,細長形香檳杯❌無法感受香氣同風味,因為香氣會連同氣泡隨住直身嘅杯口一齊消散。KRUG嘅CEO 曾經講過「我地唔應該用細長型杯!你會唔會帶著耳塞去音樂會一樣呢…?」。另外酒杯權威Riedel CEO 仲揚言:「要令細長香檳杯退落黎」!

而家好多專業香檳品酒杯都係以收口型,集中香氣爲宗旨,類似細size嘅白酒杯。
細長香檳杯睇氣泡係有美觀作用,但係對品飲聞香一D都冇幫助,因為杯空間唔多,酒同空氣接觸小香氣就走唔到出黎。

好似Riedel Performance系列既香檳杯,就係「兩個對V」中間闊既收口型,酒肚最闊既位置同深V杯底有一定高度,保持泡泡上升既視覺感,中間較闊既酒肚,加強香檳同空氣既接觸,豐富香檳既香氣同複雜感,同時平衡高酸感覺,杯口就收窄集中返香氣等我地聞香更容易。

唔信?其實大家可以用白酒杯黎飲香檳,試下香氣係咪會有分別,再考慮下係咪要買新杯啦!