講完紅葡萄點少得白葡萄 『新手再進』

各位新手,你地幾時會諗起要飲杯白酒:仲有幾個月又到夏天;夏日炎炎如果有杯冰涼既白酒係咪好爽呢!如果開餐頭盤有杯白酒點綴下係咪都唔錯呢?
今日就介紹幾種經常見到嘅白酒品種俾大家參考下。

Chardonnay
全球最普及嘅一種白葡萄,Chardonnay係一種生命力特別強嘅品種。起源地爲法國勃根地,而家全球都會發現佢嘅蹤影,可以話係無處不在。佢嘅口味變化多端,由舊世界至新世界酒都可以表現出不同風味;歐洲舊世界多數以清爽型爲主,美國新世界會把酒浸橡木桶,營造出豐滿奶油味。 在不同的風土同釀酒師的技術下Chardonnay可以表現出檸檬,菠蘿,梨子等多種水果氣息。

Sauvignon Blanc
係市面上多見澳洲地區會出產呢隻葡萄,口感比Chardonnay輕盈。利用不銹鋼桶釀造,造出輕盈富口感,同時有多種水果香味:青蘋果,百香果,水蜜桃等等,係夏天想飲返杯嘅好選擇!

Riesling
好多女性最鍾意既酒款!熱門產區包括德國Mosel、法國Alsace、澳州等,釀酒風格可以千變萬化,清爽既dry white、甜美既sweet wine、甚至做sparkling wine,加上唔同產區唔同風土既變化,真係多姿多采,各有各好飲!Dry riesling 酸度足、帶檸檬青蘋果等果味,仲有白花香同蜜糖香,最特別係會有少少石油既氣味,配東南亞菜色一流。

Gewurztraminer
呢款都好常見,多數比人第一感覺係唔識讀同重口味。Gewurztraminer通常較高酒精度,酸度低但帶帶濃郁既荔枝味,唔講會唔會以為用荔枝造出黎呢。係市面上見到大多數係來自法國Alsace,頂級的Gewurztraminer好多係晚摘型,適合陳年,富礦物同香料味道。