fbpx

何謂「生物動力自然農法」(Biodynamics) ?

每當講到有機酒,好多時都會見到酒莊標榜使用「生物動力自然農法」,其實呢個方法所釀造既酒,有何過人之處?

「生物動力自然農法」簡單d講,就係按著自然規律如月亮週期、四季節氣等進行耕種,只採用全天然既有機肥料,係有機農業既另一層次。Biodynamic agriculture由奧地利人Rudolf Steiner於1924年提出,於近幾十年風行酒界,尊崇大自然本身既力量,將風土既特色提昇至極致,所釀出既葡萄酒更具個性,更能展現自然之美。

傳統中國農業按照農曆耕種,生物動力自然農法都有自己既一套「農曆」,按照月亮週期同星座位置,將日子分為四大組:Flower 花、 Fruit 果、 Leaf 葉、Root 根,而每個日子都有各自耕種宜忌。例如Fruit Day 果之日,就係月亮進入火系星座既日子, 適宜收割果實;Leaf Day葉之日係月亮進入水系星座既日子, 適宜澆水等等,背後牽涉月球引力改變地下水位等深入科學理論。採用生物動力自然農法既酒莊會嚴格跟隨呢套曆法,同時以生物多樣性方式令土地更具活力﹐例如養雞等佢地食蟲,更有一系列獨特既有機方式製作肥料,最出名既可算係「preparation 500」配方,係冬天將牛糞放入牛角再埋係地下,再製成有機噴劑使用。

「生物動力自然農法」既理念更可以用係品酒,根據理論,果之日先係飲靚酒既好日子,酒既整體味道會更出色,而花之日就宜飲香氣奔放既酒,葉之日同土之日飲酒酒味會比較其他日子遜色。呢個品酒擇日理論係酒界時不時有激烈討論,有人信到足、有人話無稽之談,酒友不妨自己試下係咪真係有分別!

係度介紹下唔同地方出既 Biodynamic Wines,大家仲可以根據生物動力自然農法理念,係 Fruit Day 果之日 飲酒,親身試下整體酒味係咪真係會比其他日子更好!